स्वास्थ्यमा समस्या आएर शिक्षण अस्पताल भर्ना हुनुभएका राष्ट्रपति रामचन्द्र पौडेलको अवस्था सुधारोन्मुक रहेको चिकित्सकले बताएका छन् ।

पेटमा समस्या आएर हिजो साँझ भर्ना भएका पौडेललाई हाल चिकित्सकीय निगरानीमा राखिएको र केही परीक्षण् गरिएको छ ।

हालसम्मको रिपोर्ट अनुसार गम्भीर समस्या केही नदेखिएपनि थप परीक्षण गरी उहाँलाई डिष्चार्ज गरिने उपचारमा खटिएका एक डाक्टरले जानकारी दिए । यद्यपी अस्पतालले बिज्ञप्ती जारी गरी ‘सम्मानीय राष्ट्रपति श्री रामचन्द्र पौडेलज्यू पेटमा समस्या भएपनि हाल चिकित्सकीय निगरानीमा रहेको जनाएको छ । उहाँको सवै ल्याव रिपोर्ट आएपछि अस्पतालले डिस्जार्चवारे निर्णय गर्ने बताइएको छ ।