यू–२० एसियन कप छनोटमा भुटानसँग हार्यो नेपाल
बहराइनमा जारी एएफसी यू–२० एसियन कप छनोटको पहिलो खेलमा नेपाल पराजित भएको छ । नेपाल गएराति शेख अलि बिन मोहम्मद अल खालिफा स्टेडियममा भुटानसँग २–० गोल अन्तरले पराजित भएको हो ।
भुटानलाई जित दिलाउन सोनाम छोझाङ र कर्मा टासी जाम्त्सोले एक/एक गोल गरे । खेलको ३३ औं मिनेटमा सोनामले भुटानलाई अग्रता दिलाएका थिए ।
४७ औं मिनेटमा कर्माले गोल गर्दै भुटानलाई २–० को जित दिलाए । थप गरिएको समयमा अभिषेक वाइबाले रातो कार्ड बेहोरेपछि नेपाल १० खेलाडीमा समेटिएको थियो ।
यो जितसँगै भुटानले ३ अंक जोड्दा नेपालले भने हारबाट प्रतियोगिताको सुरुवात गरेको छ । अब नेपालले दोस्रो खेलमा सोमबार कतारको सामना गर्नेछ ।
प्रकाशित मिति: आइतबार, भदौ २६, २०७९ ०६:५७
प्रतिक्रिया दिनुहोस्