ठेकेदार भेटुवाल गिरफ्तार, बैंकिङ कसुरको मुद्धामा अनुसन्धान गरिने
लामो समयसम्म ठेक्का लिएको आयोजना अलपत्र पारेर बिवावित बनेका ठेकेदार मनोजकुमार भेटवाल पक्राउ परेका छन् ।
बैंकिङ कसुर गरेको अभियोगमा भेटुवाललाई पक्राउ गरिएको काठमाण्डौ प्रहरीले जनाएको छ । उनले काठमाडौंको पुरानो बसापार्कमा निर्माणधीन काठमाडौं भ्युटावर अलपत्र पारेका थिए ।
चौतर्फी दवावपछि उनले उक्त भ्यु टावर अहिले निर्माण गरिरहेका छन् ।
भेटुवाल झण्डै ३ बर्ष अघि पनि हुण्डी मार्फत आर्थिक कारोवार गरेको अभियोगमा पक्राउ परेका थिए । राजश्व अनुसन्धान विभाग हरिहरभवनले काठमाडौं जिल्ला अदालतमा मुद्दा समेत दर्ता गरेको थियो ।
उनी इनोभेटिभ कन्सेप्ट नेपाल प्रालिका सञ्चालक हुन ।
उनलाई भोली अदालतमा पेश गरी थप अनुसन्धान शुरु गरिने प्रहरीले जनाएको छ ।
प्रकाशित मिति: बुधबार, फागुन १०, २०७९ १५:३१
प्रतिक्रिया दिनुहोस्
साताको लोकप्रीय
