एक किशोरीविरुद्ध बलात्कारको आरोप लागेका राष्ट्रिय क्रिकेट टोलीका कप्तान सन्दीप लामिछानेले नेपाल क्रिकेट संघ (क्यान)लाई कानुनी सहयोगका लागि आग्रह गरेका छन् ।
लामिछानेले क्यानका कार्यवाहक सचिव प्रशान्त विक्रम मल्लसँगको कुराकानीमा आफु निर्दोष रहेको भन्दै कानुनी सहयतामा सहयोग गर्न आग्रह गरेका हुन ।
उनले क्यानलाई प्रतियोगिता सक्काएर फर्कने प्रतिवद्धता जनाएका छन् ।
राष्ट्रिय क्रिकेट टिमका कप्तानसमेत रहेका सन्दीपले एक किशोरीमाथि जवरजस्ती करणी गरेको अभियोग लागेपछि नेपाल प्रहरीले अनुसन्धान सुरु गरेको छ । टी–२० र एकदिवसीय शृंखलाका लागि केन्या प्रस्थान गर्नुअघि भदौ ५ गते ती किशोरीलाई जवरजस्ती करणी गरेको आरोप सन्दीप माथि छ ।
स्वदेश फर्किएर कानुनी प्रक्रियामा जाने बताउँदै सन्दीपले संस्थागत रुपमा आफुलाई सहयोग गर्न अनुरोध गरेपछि क्यानले यस बिषयमा निर्णय गर्ने जनाएको छ ।
कार्यबहाक सचिव मल्लले सन्दीपलाई आरोपमात्रै लागेको र संस्थागत रुपमा क्यानले एक खेलाडीलाई पर्दा आवश्यक सहयोग गर्ने बताए ।
मल्लले भनेः ‘उ हाम्रो खेलाडी हुन्,’ मल्लले भन्नुभयो, ‘आरोप लाग्दैमा उबाट हामी टाढा भयौं भने बाँकी खेलाडीले हामीलाई कसरी विश्वास गर्ने रु सन्दीप आरोपित मात्रै हुन् । सन्दीपलाई हामीले सहजीकरण नगरे अरु खेलाडीको मानसिकता के हुन्छ । हामीलाई पर्दा भाग्दो रहेछ भन्ने खेलाडीमा नजिर बन्छ,’ ।
सन्दीप हाल भने क्यारेवियन प्रिमियर लिग खेल्न वेष्ट विन्डिज छन् ।