काठमाडौँ । बंगलादेशमा पक्राउ परेका दुई फिल्म अभिनेत्री रिहा भएका छन् । पक्राउ परेका दुई अभिनेत्रीमा मेहर अफरोज शान र सोहाना साबा रहेको बंगलादेशका मिडियाले उल्लेख गरेका छन् ।

ढाका ट्रिब्यूनको रिपोर्ट अनुसार, देशद्रोहको आरोपमा अभिनेत्री मेहर र सोहानालाई पक्राउ गरेर सोधपुछपछि रिहा गरिएको छ । ढाका प्रहरीले गुप्तचर सूचनाको आधारमा उनीहरूलाई सोधपुछको लागि हिरासतमा लिइएको र सोधपुछपछि छोडिएको बताएको छ । 

मेहर अफरोजका बुबा तथा जमालपुर जिल्ला अवामी लिगका पूर्व सल्लाहकार मोहम्मद अलीको घर बिहीबार तोडफोड गरी आगजनी गरिएको बताइएको छ । ढाका ट्रिब्यूनका अनुसार, विद्यार्थी र स्थानीयहरूले निकालेको जुलुस मोहम्मद अलीको घर पुग्यो र उनीहरुले मेहरको बुबाको घरमा इँटा र ढुङ्गा प्रहार गरे र पछि आगो लगाइदिएका थिए ।

मेहरले फेसबुकमा बंगलादेशको अन्तरिम सरकारको आलोचना गरेकी थिइन् । उनी बंगलादेशकी एक प्रसिद्ध अभिनेत्री, निर्देशक, कोरियोग्राफर र पार्श्व गायिका हुन् । मेहरले २०१६ मा फिल्म कृष्णपक्ष (२०१६) को लागि सर्वश्रेष्ठ पार्श्व गायिकाको राष्ट्रिय पुरस्कार प्राप्त गरेकी थिइन् । बंगलादेशमा फेरी हिँसा भड्किएकै बेला शेख हसिनाले फेसबुक मार्फत मा आफ्ना समर्थकहरूलाई सम्बोधन गर्दै इतिहासले कसैलाई माफी नदिने चेतावनी दिएकी थिइन् ।

बंगलादेशका संस्थापक शेख मुजिबुर रहमान 'बंगबंधु' को ढाकास्थित धनमन्डी-३२ मा रहेको निवासमा प्रदर्शनकारीहरूले तोडफोड र तोडफोड गरेपछि हसिना आक्रोशित बनेकी थिइन् । 

अर्कोतर्फ, खुलनामा, शेख हसिनाका काकाका भाइ शेख सोहेल, शेख ज्वेलको घर दुई बुलडोजरले भत्काइएको छ । शेख हसिनाको पार्टी अवामी लिगले आफ्ना कार्यकर्ता र नेताहरूलाई फेब्रुअरी ६ मा सडकमा आउन अपील गरेपछि बंगलादेशमा हिँसा भड्किएको छ र अवामी लिगका नेतालाई निशाना बनाइएको छ । पार्टीले पूर्व प्रधानमन्त्री हसिना विरुद्ध दायर गरिएका कथित मुद्दा र अल्पसंख्यकहरूमाथिको आक्रमणको विरोधमा मार्चको आह्वान गरेको थियो ।