काठमाडौँ । इजरायली प्रधानमन्त्री बेन्जामिन नेतान्याहु अमेरिका पुगेका छन् ।

गाजामा प्यालेस्टिनी समूह हमाससँग सहमति भएको दोस्रो चरणको युद्धविरामबारे छलफल गर्न संयुक्त राज्य अमेरिका गएको उनको कार्यालयले जनाएको छ ।

जनवरी १९ मा हस्ताक्षर गरिएको युद्धविराम सम्झौताको श्रेय दावी गर्ने अमेरिकी राष्ट्रपति डोनाल्ड ट्रम्पले मंगलबार नेतन्याहूलाई ह्वाइट हाउसमा भेट गर्ने अपेक्षा गरिएको छ । योसँगै दोस्रो कार्यकालको लागि पदभार ग्रहण गरे पछि ट्रम्पको पहिलो विदेशी नेतासँग भेटघाट हो ।

नेतान्याहुको अमेरिकी यात्रा युद्धविरामको पहिलो चरणको दुई हप्तापछि भएको छ । दोस्रो चरणमा बाँकी बन्दीहरूको रिहाई र युद्धको थप स्थायी अन्त्यमा छलफल हुने अपेक्षा गरिएको छ ।