काठमाडौँ । साउदी प्रो लिग अन्तर्गत अल नासरले कमब्याक जित हासिल गरेको छ ।

गएराती सम्पन्न खेलमा अल नासरले अल अख्डोउडलाई ३-१ गोल अन्तरले पराजित गरेको हो । १-० गोलले पछि परेको अल नासरले खेलमा कमब्याक गर्दै जित हासिल गरेको थियो ।

अल नासरको जितमा साडियो मानेले २ गोल गरे भने एक गोल क्रिस्टियानो रोनाल्डोले गरेका थिए । रोनाल्डोको यो क्यारियरको ९१७औ गोल हो ।

त्यस्तै अल अख्डोउडका लागि साभीओउर गडविनले एक गोल गरेका थिए ।

यो जितपछि अल नासरको १४ खेलमा २८ अंक भएको छ र लिगमा तेस्रो स्थानमा उक्लिएको छ । त्यस्तै अल अख्डोउडको भने १४ खेलमा १२ अंक रहेको छ र लिगमा १४औं स्थानमा छ ।