काठमाडौं । आजदेखि जय ट्रफीको मेन्स एलिट कपमा पहिलो इनिंगमा मधेश प्रदेश १०२ रनमा अल आउट भएको छ ।
बागमती प्रदेशबाट खेलिरहेका सन्दीप लामिछानेले ५ विकेट लिएपछि मधेश १०२ रनमा अल आउट भएको थियो ।
मधेशका लागि मयन यादवले सर्बाधिक २१ रन बनाए भने बिशाल पटेलले १६ रन बनाएका थिए । त्यस्तै निरज यादवले १२, अभिषेक तिवारीले ११ र हिमांशु दत्तले ११ रन बनाएका थिए ।
त्यसैगरी बागमतीका बलर सन्दीप लामिछानेले १४ ओभरमा २ मेडनसहित ४१ रन दिएर ५ विकेट लिएका छन् । त्यस्तै सुर्य तामाङले ३ विकेट लिए भने नन्दन यादव र प्रतिष जिसीले एक एक विकेट लिएका थिए ।
आफ्नो पहिलो इनिंग शुरु गरेको बागमती प्रदेशले आजको खेल सकिदा २ विकेट गुमाएर ३४ रन बनाएको छ । बागमतीका लागि आशुतोष घिरोहिया शुन्यमा आउट भएका थिए भने रित गौतम ३ रनमा आउट भएका थिए । त्यस्तै इशान पाण्डे ९ र शुभ कंसाकार २२ रन बनाएर खेलिरहेका छन् ।
त्यसैगरी मधेशका बलर रुपेश सिंह र बिशाल पटेलले एक एक विकेट लिएका थिए ।
