युभेन्टसलाई हराउदै एसी मिलान सुपर कोपाको फाइनलमा
काठमाडौँ । एसी मिलान इटालियन सुपर कोपाको फाइनलमा पुगेको छ ।
गएराती सम्पन्न खेलमा एसी मिलानले युभेन्टसलाई २-१ गोल अन्तरले पराजित गर्दै फाइनलमा पुगेको हो ।
एसी मिलानको जितमा क्रिस्टियन पुलासिकले एक गोल गरेका थिए भने एक गोल युभेन्टसका फेडेरिको गट्टीले आत्मघाती गोल गरेका थिए । त्यसैगरी युभेन्टसका लागि एक गोल केनान यिल्डीजले गरेका थिए ।
यो जितपछि एसी मिलान सुपर कोपाको फाइनलमा पुगेको छ । अब फाइनलमा एसी मिलानले इन्टर मिलानको सामना गर्ने भएको छ । यसअघि सम्पन्न सेमिफाइनलमा इन्टर मिलानले एटलान्टालाई २-० गोल अन्तरले हराउदै फाइनलमा पुगेको थियो ।
फाइनल खेल सोमबार राति हुने छ ।
प्रकाशित मिति: शनिबार, पुस २०, २०८१ ०८:३६
प्रतिक्रिया दिनुहोस्
साताको लोकप्रीय
