पूर्वपश्चिम राजमार्गस्थित मकवानपुरको हेटौँडा उपमहानगरपालिका(१५, चुरियामाईमा कन्टेनर पल्टिदा पुर्वपश्चिम राजमार्ग अवरुद्ध भएको छ । 
वीरगन्जजबाट काठमाडौँ जाँदै गरेको मधेस प्रदेश ०३ ००१ ख ६७३८ नम्बरको मोबिल लोड गरिएको लहरी बिहीबार आज बिहान १० बजेतिर अनियन्त्रित भई सडकमा पल्टिएको हो।

दुर्घटनामा गाडी चालक मकवानपुरको मनहरी गाउँपालिका(६ निवासी करिब ३० वर्षीय महेश मोक्तान घाइते भएका छन्।

उनको दाहिने हातमा चोट लागेको मकवानपुर प्रहरी प्रवक्ता, डीएसपी श्यामु अर्यालले जानकारी दिए।

सडक अवरुद्ध भएपछि सयौ सवारी साधनको बाटोमा जाम परेको छ । कन्टेनरलाई हटाएर बाटो सुचारु गराउने प्रयासमा सडक डिभिजन कार्यालयले आवश्यक पहल गरिरहेको प्रहरीले जनाएको छ ।