काठमाडाै- जिल्ला सरकारी वकिलकाे कार्यालयले एमाले नेता महेश बस्नेत विरुद्धकाे बलत्कार सम्वन्धी जाहेरी तामेलीमा पठाएकाे छ ।
जिल्ला प्रहरी परिसर, काठमाडौंले एमाले नेता बस्नेतविरुद्ध परेको जबरजस्ती करणी आरोपको किटानी जाहेरीमाथि निर्णयका लागि सरकारी वकिल कार्यालय पठाएकाे थियाे । उक्त निर्णयपछि प्रहरीले अव अनुसन्धान गर्ने नपर्ने भएकाे छ ।
प्रारम्भिक अनुसन्धानमा जाहेरीअनुसार तथ्य नमिलेको
पाएकाे भन्दै जाहेरी तामेलीमा राख्न काठमाडौं प्रहरीले जिल्ला सरकारी वकिलको कार्यालय, काठमाडौंलाई सिफारिस गरेको थियो ।
सरकारी वकिल कार्यालयका अनुसार, काठमाडौं प्रहरीले गरेको सिफारिस अनुसार जाहेरीलाई तामेलीमा राख्ने निर्णय भइसकेको छ ।
बस्नेतविरुद्ध पीडित भनिएकी महिलाले हुलाकमार्फत जिल्ला सरकारी वकिलको कार्यालय, काठमाडौंमा जाहेरी दिएकी थिइन् । सरकारी वकिलले अनुसन्धान गर्न भन्दै उक्त जाहेरी जिल्ला प्रहरी परिसर, टेकुमा पठाएको थियो ।
